Աղբահանությունը Վանաձորում

 Հոկտեմբերի 14-ին «Կոմունալ տնտեսության, բարեկարգման և շրջակա միջավայրի պահպանության» բաժնի պետ Կարեն Պառավյանի հետ խոսեցինք Վանաձորի աղբահանության մասին։ Խոսեցինք աղբի տեսակավորմանը, նոր աղբամանների տեղադրմանը, աղբահանության պատշաճ իրականացմանը և թափառող շներին վերաբերող  հարցերի մասին։

     Կ․ Պառավյանն իր խոսքում նշեց, որ ամեն տարի Վանաձորի համայնքապետարանը նոր աղբամաններ է ձեռք բերում, բայց հաշվի առնելով բյուջեի սղությունը՝ չի կարողանում բոլոր աղբարկղերը միանգամից, միաժամանակ փոխել։ 

-Դա պետք է արվի փուլ առ փուլ և պարբերաբար: 80-100 աղբաման փոխելով՝  3-4 տարի հետո մենք  ամբողջ քաղաքում կունենանք նոր աղբամաններ։

 Հանդիպման ընթացքում խոսեցինք նաև Արջուտի աղբավայրի և դրա հետ կապված խնդիրների մասին: Կարեն Պառավյանը նշեց, որ աղբավայրն այսօր լուրջ խնդիր է հատկապես Արջուտ համայնքի համար, այն նպատակահարմար է փակել, բայց դրա  համար անհրաժեշտ է շուրջ 700 հազար եվրոյին համարժեք դրամ, իսկ նորը բացելու համար՝ 3-4 մլն եվրոյին համարժեք դրամ։ Սակայն, Արջուտի աղբավայրը փակելու և նոր աղբավայր ունենալու հարցն արդեն 2 տարի է, չգիտես ինչու, չի քննարկվում,-ասաց նա:

Ինչ վերաբերվում է թափառող շների ու նրանց հետ կապված խնդիրներին, Պառավյանը նշեց, որ նախատեսվում է 2020թ․-ից, հետևելով Երևանի օրինակին, այդ հարցը լուծել  ոչ թե սպանդի, այլ ստերջացման միջոցով։

                                                                         

                                                                 

            Հեղինակներ՝

                                    Էլեն Գրիգորյան

                                    Անահիտ Խաչատրյան

                                    Գայանե Մարկոսյան

                                    Անի Դանիելյան

                                    Աննա Հարությունյան