Վանաձորյան վերածնունդը սկսվում է ասֆալտապատումից

Ի՞նչ նկատի ուներ Սուրեն Աբովյանը ասելով.«Գնդակը հայտնվում է բնակչի խաղադաշտում»:

14.10.2019թ. «Մեդիան՝ համայնքի մասնակցային կառավարման միջոց» դասընթացի մասնակիցներով հանդիպեցինք Վանաձորի քաղաքապետարանի Քաղաքաշինությանև ճարտարապետության բաժնի վարիչ Սուրեն Աբովյանի հետ: Հանդիպման ընթացքում խոսեցինք ներկայումս քաղաքում ընթացող շինարարական և ասֆալտապատման աշխատանքների մասին: 

Սուրեն Աբովյանը նշեց, որ ներկայումս կատարվող շինաշխատանքների և ասֆալտապատման համար սուբվենցիոն ծրագրի շրջանակում հատկացվել է՝ 

• Հայքի հրապարակի համար՝250 մլն. դրամ,
• Արցախ պուրակի համար՝ 42 մլն. դրամ, 
• ընդհանուր ասֆալտապատման համար՝ 209 մլն. դրամ:

 Սուրեն Աբովյանը նշեց,  որ մինչև ընթացիկ տարվա վերջը  ասֆալտապատման աշխատանքներ են նախատեսվում իրականացնել Բոշյան (թթու ջուր), Ստեփանյան, Աղայան (մինչև Մաշտոց), 6-րդ դպրոցին կապող փողոցներում, Մյասնիկյան փողոցի սկզբնամասում մինչև Գրիգոր Լուսավորիչ, 18-րդ դպրոցի արևելյան մասով Չուխաջյան փողոց իջնող հատվածում, Տավրոս թաղամասի 2 փողոցներում, Տարոն -2 թաղամասի թիվ 5 պոլիկլինիկա տանող փողոցում, մի քանի շենքերի բակերում, Լազյան փողոցի սկզբնամասում ու վերջնամասում, Դեմիրճյան 19 շենքի բակում:

Հարցազրույցի ընթացքում խոսեցինք նաև ասֆալտապատվող փողոցներին  հարակից մայթերի բարեկարգման մասին և պարզեցինք, որ 2019թ. բյուջեով նախատեսված գումարը հատկացված է հիմնականում փողոցների ասֆալտապատման  և մի քանի մայթերի բարեկարգման համար:

Սուրեն Աբովյանը նշեց նաև, որ կարևորում է հանրային վերահսկողությունը, քանի որ համայնքապետարանը և տեխնիկական վերահսկողություն իրականացնողները չեն կարող ամբողջությամբ վերահսկել այն, իսկ շինարարությունը իրականացնելուց հետո գնդակը հայտնվում է բնակչի խաղադաշտում. բնակիչները պետք է քաղաքի նկատմամբ ԼԻՆԵՆ ՀՈԳԱՏԱՐ:

Հետևեք մեր բլոգին, եթե ուզում եք տեսնել շինարարական աշխատանքների վերջնական արդյունքները:

Հետևեք մեր ալիքին և կլինեք ավելի տեղեկացված քաղաքի անցուդարձից:

Նյութը  պատրաստեցին՝

 Էրիկ Օհանյանը,

 Շուշան Աբովյանը, 

Օֆելյա Սարգսյանը,

 Քրիստինե Թորոսյանը,

 Օգսաննա Խաչատուրյանը: